Kulturbirasossodat

Dálkkádat- ja birasdepartemeanta

Ossodaga váldoovddasvástádus lea ovddidit strategiijaid ja politihka kulturmuittuid ja kulturbirrasa seailluheapmái ja guoddevaš geavaheapmái, ja dálkkádaga ja birrasa birra polára- ja davviguovlluin. Guovddáš bargosuorggit leat arkeologiija, huksensuodjalus, fatnasat, kulturmuittut, kulturbiras ja kulturhistorjjálaš eanadat, kulturbirasgáhttemat ja kulturhistorjjálaš árvvut gávpot- ja čoahkkebáikeovdánahttimis, birashálddašeapmi Svalbárddas ja birasovttasbargu polára- ja davviguovlluin. Ossodagas lea maid ovddasvástádus máilmmiviidosaš bargosurggiid ovddas nu go earret eará máilmmiárbbi ovddas (Unesco), EO/EES, Arktis ja Antarktis. Ossodat lea ožžon etáhtastivrenovddasvástádusa Riikkaantikvára, Norgga kulturmuitofoandda, Norgga Polárainstituhta ja Svalbárdda birasgáhttenfoandda ovddas, ja galgá áimmahuššat departemeantta gulahallama regionála kulturbirashálddašemiin.

Ossodaga čuovvovaš sekšuvnnat:

  • Ossodatčállingoddi

    Ossodatčállingottis lea earret eará ovddasvástádus ossodaga barggu ovddas stáhtabušeahtain, ekonomiijastivremis, doarjjahálddašeamis, raporteremis, rehketdoalloloahpahemiin stáhtarehketdoalu oktavuođas ja doaibmaplána. Muđui lea ossodatčállingoddi mielde Riikkaantikvára, Kulturmuitofoandda, Norgga Polárainstituhta ja Svalbárdda birasgáhttenfoandda etáhtastivremis. Dasa lassin koordinere ossodatčállingoddi hálddahuslaš áššiid olles ossodaga ovddas.

  • Areála- ja njuolggadusossodat

    Sekšuvdna bargá láhka- ja njuolggadusgeavahemiin kulturbirassuorggis iešguđetlágan areálaáššiin. Sekšuvnnas lea ovddasvástádus bargui mii guoská ođđa kulturbirasláhkii, njuolggadusaide mat leat čadnon Kulturmuitofondii, eará lágaide ja njuolggadusaide mat váikkuhit kulturbirrasa, ja kulturbirrasa áimmahuššama ovddas buot lágan areálaáššiin ja iešguđetlágan plánenproseassain, ja njuolggadusaid ja bagadallama ovddas dan suorggis. Ossodat bargosuorgái gullet maid arkeologiija, huksehusat ja rusttegat, fanassuddjen, sámit ja minoritehtat, poláraáššit.

    Ossodatdirektevra Hege Skalleberg Gjerde

  • Kulturbiras- ja servodatossodat

    Sekšuvdna bargá áššiiguin mat gusket kulturbirrasa ja servodatovdánahttima gaskavuođaide. Sekšuvnna ovddasvástádussuorggit: máhttoovdánahttin, kulturbirasstatistihkka/birasdieđut, gávpotbiras- ja báikeovdánahttin, eaktodáhtolaš organisašuvnnat ja ovttasbargovuođut kulturárbi/luondduárbi/eanadat ja olgoáibmodoaimmat ja dasa lassin viiddis máilmmiviidosaš áššit (Unesco/máilmmiárbi, EU/EES/Eurohpáráđđi ja davviriikkalaš kulturbirasovttasbargu). Departemeanttaid searvevuođa siskkobealde sekšuvdna ovddasvástida ovttasbargosurggiid nu go museaid (KUD) ja girko/girkohistorjjálaš árvvuid (MBD).

    Ossodatdirektevra Berit Halvorsen

  • Polára- ja davviguovlluidsekšuvdna

    Sekšuvnna ovddasvástádussii gullá ovddidit nationála politihka ja bargat riikkaidgaskasaččat áššiin mat gusket poláraguovlluid birasdillái. Sekšuvdna galgá erenoamážit ovddasvástidit luonddubirrasa hálddašeami Svalbárddas, Norgga polárainstituhta etáhtastivrejumi, Svalbárdda birasgáhttenfoandda ja Áššeolbmá birasgáhttendoaimmaid Svalbárddas. Sekšuvdna hálddaša stáhta eaiggátvuođa Kings Bay AS fitnodagas. Dutkanvuđot máhtu birrasa birra poláraguovlluin lea dehálaš váikkuhangaskaoapmi dan barggus.

    Ossodatdirektevra Aud Ingvild Slettemoen