Jørn Rattsø blei onsdag vald til ny leiar av styret i Enova. Han overtek etter Ted Hanisch som går ut av styret. Cathrine Hambro blei vald til nytt styremedlem, mens Andreas Krüger Enge blei vald som representant for dei tilsette i Enova.

Jørn Rattsø er 52 år og bor i Trondheim kommune. Han er professor i økonomi ved Noregs teknisk-naturvitskaplege universitet, institutt for samfunnsøkonomi. Rattsø arbeider mellom anna med spørsmål vedrørande produktivitetsauke og ressursbruk i det offentlege. Han har også vore leiar for det regjeringsoppnemnde utvalet som arbeidde med organiseringa av velferdsstaten.

Cathrine Hambro bor i Bærum kommune, er 36 år og advokat og partner i advokatfirmaet Schjødt AS. Ho har spesialisert seg innanfor forretningsjuss, energijuss og miljørett. Ho har tidlegare vore prosjektleiar for lovarbeid i Olje- og energidepartementet.

Andreas Krüger Enge arbeider i Enova si analyseeining.

Nestleiar Eimund Nygaard og styremedlem Karin Refsnes vart gjenvalde for to nye år.

Enova SF er eit statsføretak under Olje- og energidepartementet, med ansvar for forvaltninga av verkemidla retta mot ei miljøvennleg energiomlegging i Noreg. Enova sitt styre er no følgjande:

Leiar: Jørn Rattsø

Nestleiar: Eimund Nygaard

Styremedlem: Karin Refsnes

Styremedlem: Cathrine Hambro

Tilsette sin representant: Andreas Krüger Enge