Utdrag frå olje- og energiminister Thorhild Widveys kalender for neste veke:
Statsministeren og statsrådane har normalt følgjande faste postar i sine vekeprogram: regjeringskonferanse på statsministeren sitt kontor måndag og torsdag kl 12.15, og Statsrådets møte på Slottet fredag kl 11.00.

Måndag 10. – fredag 14. januar

Olje- og energiministeren gjestar Kina.
Måndag og tysdag er statsråden i Beijing, der ho mellom anna skal ha møte med land- og ressursminister Sun Wensheng, vassressursminister Wang Shucheng og sjefen for det nasjonale kinesiske oljeselskapet CNOOC (China National Offshore Oil Corp.), Mr. Fu Cheng Yu.

I Beijing står statsråden også for opninga av eit kinesisk-norsk seminar om integrert vassressursforvaltning. Noregs vassdrags og energidirektorat (NVE) og Norsk institutt for vassforsking (NIVA) arrangerer seminaret i samarbeid med Ministry of Water Resourses.

Onsdag 12. januar held olje- og energiministeren opningsinnlegget på eit todagars seminar om utfordringane knytt til petroleumsverksemd i djupvassområdar. Seminaret som blir arrangert av Intsok, finn stad på Sanya i Hainan

I løpet av opphaldet skal statsråden også møte Hainan sin guvernør og tidlegare president for CNOOC, Mr Wei Liu Cheng og guvernøren i Guandong, Mr. Huang Huahua.

Pressekontakt for statsråden i Kina er Lars Nermoen, +47 990 13 280.