Olje- og energiministeren i Kina
Historisk arkiv
Publisert under: Regjeringen Bondevik II
Utgiver: Olje- og energidepartementet
Nyhet | Dato: 13.01.2005 | Sist oppdatert: 21.10.2006
10.–14. januar vitja olje- og energiministeren Kina. I Beijing møtte ho bl.a. sin kinesiske kollega Sun Wensheng. Onsdag heldt ho opningsinnlegget på eit todagars petroleumsseminar i Sanya. (13.01.05)
Olje- og energiministeren i Kina
Måndag og tysdag denne veka var statsråden i Beijing, der ho mellom anna hadde møte med land- og ressursminister Sun Wensheng, vassressursminister Wang Shucheng og sjefen for det nasjonale kinesiske oljeselskapet China National Offshore Oil Corp. (CNOOC), Mr. Fu Cheng Yu.
I Beijing stod statsråden også for opninga av eit kinesisk-norsk seminar om integrert vassressursforvaltning. Noregs vassdrags og energidirektorat (NVE) og Norsk institutt for vassforsking (NIVA) arrangerte seminaret i samarbeid med Ministry of Water Resourses.
Onsdag 12. januar drog olje- og energiministeren til Sanya i Hainan-provinsen der ho heldt opningsinnlegget på eit todagars seminar om utfordringane knytt til petroleumsverksemd i djupvassområdar. Intsok var blant arrangørane av seminaret.
Under Kina-opphaldet møtte statsråden også guvernøren i Hainan og tidlegare president for CNOOC, Mr Wei Liu Cheng og guvernøren i Guandong, Mr. Huang Huahua.