Utdrag frå olje- og energiminister Thorhild Widvey sin kalender for neste veke:
Statsministeren og statsrådane har normalt følgjande faste postar i sine vekeprogram: regjeringskonferanse på statsministeren sitt kontor måndag og torsdag kl 12.15, og Statsrådets møte på Slottet fredag kl 11.00.

Tysdag 17. august
Kl. 13.30 Olje- og energiminister Thorhild Widvey har møte med konsernsjef Helge Lund i Statoil i Stavanger.

Etter møtet vil Widvey og Lund vere tilgjengelege for pressa, rundt kl. 15.15. Kontaktperson i Statoil er informasjonsdirektør Wenche Skorge, 51 99 79 17.

Onsdag 18. august
Kl. 09.30 Statsråden besøkjer Enova i Trondheim for å få ei orientering om arbeidet deira.

Kl. 11.30 Nord-Trøndelag Elektrisitetsverk vil orientere statsråd Widvey og følgjet hennar om NTEs satsing på vindkraft.

Kl. 14.00 dreg statsråden med helikopter til Ytre Namdal.

Kl. 15.00 er dei på Hundhammerfjellet vindmøllepark i Nærøy. Der blir det besøk i maskinhuset på toppen av ei av vindmøllene.

Kl. 17.15 vil det bli synfaring med helikopter over Vikna vindmøllepark.

På veg til flyplassen vil statsråden fly over Namsenvassdraget med kraftverka i Øvre Namsen.

Det er mogeleg for pressa å vere med på besøket ved Hundhammerfjellet vindmøllepark. Kontaktperson for besøket hos NTE er kommunikasjonsdirektør Inge Bartnes på 952 36 748.

Pressekontakt for statsråden i Trøndelag er politisk rådgjevar Bjørn K. Mauritzen, 995 54 965.