Utdrag frå olje- og energiministeren sin kalender for neste veke:

Statsministeren og statsrådane har normalt følgjande faste postar i sine vekeprogram: regjeringskonferanse på statsministeren sitt kontor måndag og torsdag kl 12.15, og Statsrådets møte på Slottet fredag kl 11.00.

Søndag 14. - tysdag 16. mars
Statsråden deltek på Regjeringa si rammefordelingskonferanse på Thorbjørnrud Hotell på Jevnaker.

Torsdag 18. mars
Statsråden held hovudinnlegget på det årlege møtet til American Chamber of Commerce in Norway. Tema for innlegget er norsk olje- og gassindustri. Møtet startar kl 19.00 og finn sted på Radisson SAS Plaza Hotel i Oslo.

Statsrådens planlagde reiser

20. – 23. april
Statsråden reiser til Nigeria der det er planlagt møter med president Obasanjo og dr. Edmund Daukoru, som er presidentens rådgjevar i olje- og energispørsmål.

I løpet av besøket i Nigeria skal statsråden òg delta i eit næringslivsseminar i regi av Intsok og Statoil.

Intsok er eit samarbeidsprosjekt mellom styresmaktene og industrien for å fremme internasjonaliseringa av norsk olje- og gassindustri.

4. – 7. mai
Statsråden reiser til USA for å delta på OTC (Offshore Technology Conference) i Houston.

Onsdag 5. mai kl 08.00 møter statsråden pressa til frukost for å snakke om moglegheiter og utfordringar knytt til norsk sokkel og petroleumsindustri.

Kl 12.15 same dag vil statsråden halde eit innlegg om kostnadseffektiv teknologi og verdien av ein konkurransedyktig olje- og gassindustri.

22. – 24. mai
22. – 24. mai blir det niande "International Energy Forum" arrangert i Amsterdam. Det nederlandske vertskapet har Noreg og Iran som medarrangørar for dette dialogmøtet mellom oljeprodusentar og –forbrukarar. Dette er eit forum for uformelle diskusjonar om produksjon, forbruk, investeringar og handel innafor olje og gass. Statsråd Steensnæs vil leie ein av sesjonane under arrangementet.