Utdrag frå olje- og energiminister Einar Steensnæs sin kalender for neste veke:
Statsministeren og statsrådane har normalt følgjande faste postar i sine vekeprogram: regjeringskonferanse på statsministeren sitt kontor måndag og torsdag kl 12.15, og Statsrådets møte på Slottet fredag kl 11.00.

Måndag 29. mars
Kl 11.00 deltek statsråden på ei pressekonferanse på KrF sitt landskontor.

Onsdag 31. mars
Statsråden har eitt spørsmål i spørjetimen i Stortinget kl 11.00:

Frå representanten Øyvind Vaksdal til olje- og energiministeren:
"Det vises til tidligere spørretimer hvor statsråden gjentatte ganger har påstått at konvensjonelle gasskraftverk ikke er lønnsomme, og at Regjeringen ikke kan gripe inn i investeringsbeslutningen for potensielle utbyggere. Samtidig sier statsråden at Regjeringen legger opp til omfattende forskning på CO ₂-håndtering for at fremtidsrettede gasskraftverk skal kunne bygges. Tror statsråden gasskraftverk med CO ₂-håndtering vil bli mer lønnsomt for utbyggere enn konvensjonelle gasskraftverk?"

Torsdag 1. april
Kl 09.30 får statsråd Steensnæs besøk av Oman sin oljeminister, HE Dr. Mohammed Hamad Saif Al-Rumhy. På møtet vil dei snakke om spørsmål av felles interesse innafor olje- og gassektoren.

Fredag 2. april
Statsråden vil vere til stades i Stortinget under handsaminga av stortingsproposisjonen om utbygging og drift av Ormen Lange og anlegg og drift av Langeled.

Stortingsproposisjonen er tilgjengeleg på Olje- og energidepartementet sine internettsider

Statsrådens planlagde reiser

20. – 23. april
Statsråden reiser til Nigeria der det er planlagt møte med president Obasanjo og dr. Edmund Daukoru, som er presidentens rådgjevar i olje- og energispørsmål.

I løpet av besøket i Nigeria skal statsråden òg delta i eit næringslivsseminar i regi av Intsok og Statoil.

Intsok er eit samarbeidsprosjekt mellom styresmaktene og industrien for å fremme internasjonaliseringa av norsk olje- og gassindustri.

4. – 7. mai
Statsråden reiser til USA for å delta på OTC (Offshore Technology Conference) i Houston.

Onsdag 5. mai kl 08.00 møter statsråden pressa til frukost for å snakke om moglegheiter og utfordringar knytt til norsk sokkel og petroleumsindustri.

Kl 12.15 same dag vil statsråden halde eit innlegg om kostnadseffektiv teknologi og verdien av ein konkurransedyktig olje- og gassindustri.

22. – 24. mai
22. – 24. mai blir det niande "International Energy Forum" arrangert i Amsterdam. Det nederlandske vertskapet har Noreg og Iran som medarrangørar for dette dialogmøtet mellom oljeprodusentar og –forbrukarar. Dette er eit forum for uformelle diskusjonar om produksjon, forbruk, investeringar og handel innafor olje og gass. Statsråd Steensnæs vil leie ein av sesjonane under arrangementet.