Utdrag frå olje- og energiminister Einar Steensnæs sin kalender for neste veke: Statsministeren og statsrådane har normalt følgjande faste postar i sine vekeprogram: regjeringskonferanse på statsministeren sitt kontor måndag og torsdag kl 12.15, og Statsrådets møte på Slottet fredag kl 11.00.

Tysdag 1. juni
Kl 10.30 vil Hydrogenutvalet ved leiaren Sverre Aam overlevere ein utredning (NOU) til olje- og energiminister Einar Steensnæs og samferdselsminister Torild Skogsholm.

Sjå presseinvitasjonen for meir informasjon

Onsdag 2. juni
Frå kl 09.30 deltek olje- og energiministeren i feiringa av 200-årsjubileet for norsk vassdragsforvaltning. Statsråden skal halde eit innlegg om norsk vassdragsforvaltning sin historie og regjeringa sine prioriteringar innafor dette feltet.

I 1804 blei Canaldirectionen oppretta i København. Det blei starten den offentlege vassdragsforvaltninga i Noreg. Markeringa finn stad i NVE-huset, Middelthuns gt. 29 i Oslo.

2. – 4. juni
Statsråden leier den norske delegasjonen på ein internasjonal konferanse for fornybar energi i Bonn. Bakgrunnen for denne konferansen er FNs Verdstoppmøte for bærekraftig utvikling i Johannesburg 2002. Den tyske regjeringa ved miljøvernminister Jürgen Trittin og utviklingsminister Heidmarie Wieczorek-Zeul arrangerer konferansen.

Torsdag 3. juni kl 09.00 vil statsråden vere til stades under opninga av ministersegmentet av konferansen. Opninga finn stad i Internationales Kongresszentrum Bundeshaus (kongressenteret).

Torsdag kl 14.30 deltek statsråden i eit ministermøte om politikken for ein marknad for fornybar energi. Ministermøtet finn stad i kongressenteret.

Torsdag kl 17.00 deltek statsråden i eit nytt ministermøte for å diskutere resultata frå konferansen.

I løpet av torsdagen kjem statsråden òg til å gjeste utstillingane til Noregs vassdrags- og energidirektorat (NVE) og Statkraft.

4. – 5. juni
Fredag den 4. juni tek olje- og energiminister Einar Steensnæs imot den tyske nærings- og arbeidsministeren Wolfgang Clement i Haugesund. Dei skal gjeste Statkraft sitt anlegg Førrevassdammen, og Norsk Hydro aluminium på Karmøy.

Laurdag den 5. juni dreg dei to ministrane til Bergen, og derifrå ut på Troll-plattforma.

Pressekontakt for statsråden i Bonn, Haugesund og Bergen er Sissel Edvardsen, +47 901 97 382.