Utdrag frå olje- og energiminister Einar Steensnæs sin kalender for neste veke:
Statsministeren og statsrådane har normalt følgjande faste postar i sine vekeprogram: regjeringskonferanse på statsministeren sitt kontor måndag og torsdag kl 12.15, og Statsrådets møte på Slottet fredag kl 11.00.

Måndag 22. mars
Olje- og energiministeren gjestar Haugesund og Karmøy:

Frå kl 11.00 deltek han på eit seminar om gass i Noreg i Naturgassens Hus på Karmøy.

Kl 13.00 vil statsråden være tilgjengeleg for pressa i Naturgassens Hus.

Kl 15.30 gjestar statsråden Karmøy Industri.

Kl 18.00 deltek statsråden på eit seminar om innovasjonspolitikk. Seminaret vert arrangert av Karmøy kommune og finn stad på Naturgassens Hus.

Pressekontakt for statsråden er Lars Nermoen, 990 13 280

Tysdag 23. mars
Statsråd Steensnæs gjestar Eigersund.

Kl 08.30 besøker han Aker Kværner Egersund, der han mellom anna skal på ein synfaring og ha møte med leiinga og fagforeininga.

Kl 11.00: Offisiell opning av Svanedal Kraftverk og markering av byggjestart for Dalane Næringshage AS ved olje- og energiminister Einar Steensnæs.

Kl 12.30 vil statsråden vere tilgjengelig for pressa. Sted: Grand Hotell i Egersund.
Kl 13.00: Statsråden deltek på eit temamøte om energi og næringsutvikling på Grand Hotell. Innlegget til statsråden skal handle om rammevilkår for utbygging av mikro- og minikraftverk.

Kl 18.30: Statsråden deltek på synfaring på nye Vikeså kraftverk. Deretter skal han på synfaring ved Stølskraft kraftstasjon.

Pressekontakt for statsråden i Egersund er Lars Nermoen, 990 13 280.

Onsdag 24. mars
Statsråden deltek på Vinterkonferansen til Energibedriftenes Landsforeining. Innlegget til statsråden handlar om regjeringa sin strategi for betre forsyningstryggleik. Vinterkonferansen finn stad på Hurtigruta. Avgang frå Trondheim kl 12.00.

Pressekontakt for statsråden under Vinterkonferansen er statssekretær Øyvind Håbrekke, 970 62 368.

Torsdag 25. mars
Kl. 12.00 opnar statsråden Lyse sitt nye transport- og distribusjonsanlegg for naturgass. Arrangementet vil finne sted i Lyses lokale i Breiflåtveien 18 i Stavanger.

Pressekontakt for statsråden i Stavanger er Sissel Edvardsen, 901 97 382.

Kl 19.00 held statsråden innlegg i Oppegård Rotary om framtida for norsk petroleumsverksemd.

Fredag 26. mars
Kl 12.30 held olje- og energiministeren innlegg på eit debattseminar om norsk energipolitikk. Innlegget har tittelen "Perspektiv på norsk kraftproduksjon".

Deretter deltek han i ein paneldebatt med Øyvind Vaksdal (Frp.), Leif Frode Onarheim (H), Rolf Terje Klungeland (Ap), Hallgeir Langeland (SV), Roar Flåthen (LO), Stein Lier-Hansen (Prosessindustriens Landsforeining) og Axel Collett (Energibedriftenes Landsforeining).

Seminaret blir arrangert av NHO og finn stad på Folkets Hus, Youngstorget, Oslo.

Statsrådens planlagde reiser

20. – 23. april
Statsråden reiser til Nigeria der det er planlagt møte med president Obasanjo og dr. Edmund Daukoru, som er presidentens rådgjevar i olje- og energispørsmål.

I løpet av besøket i Nigeria skal statsråden òg delta i eit næringslivsseminar i regi av Intsok og Statoil.

Intsok er eit samarbeidsprosjekt mellom styresmaktene og industrien for å fremme internasjonaliseringa av norsk olje- og gassindustri.

4. – 7. mai
Statsråden reiser til USA for å delta på OTC (Offshore Technology Conference) i Houston.

Onsdag 5. mai kl 08.00 møter statsråden pressa til frukost for å snakke om moglegheiter og utfordringar knytt til norsk sokkel og petroleumsindustri.

Kl 12.15 same dag vil statsråden halde eit innlegg om kostnadseffektiv teknologi og verdien av ein konkurransedyktig olje- og gassindustri.

22. – 24. mai
22. – 24. mai blir det niande "International Energy Forum" arrangert i Amsterdam. Det nederlandske vertskapet har Noreg og Iran som medarrangørar for dette dialogmøtet mellom oljeprodusentar og –forbrukarar. Dette er eit forum for uformelle diskusjonar om produksjon, forbruk, investeringar og handel innafor olje og gass. Statsråd Steensnæs vil leie ein av sesjonane under arrangementet.