Utdrag frå olje- og energiminister Einar Steensnæs sin kalender for neste veke:
Statsministeren og statsrådane har normalt følgjande faste postar i sine vekeprogram: regjeringskonferanse på Statsministeren sitt kontor måndag og torsdag kl 12.15, og Statsrådets møte på Slottet fredag kl 11.00.

Måndag 17. november
Kl 13.00 er statsråden hovudinnleiar i ein paneldebatt på Biobrennseldagane 2003. I panelet sit òg stortingsrepresentantane Synnøve Konglevoll (AP) og Karin Andersen (SV), styreleiar i Norsk Bioenergiforeining Torbjørn Mehli og direktør i Statoil Geir Gransbråten.

Norsk Bioenergiforeining arrangerer konferansen som finn stad på Grand Hotel Terminus i Bergen.

Pressekontakt for statsråden i Bergen er Sissel Edvardsen på 901 97 382.

Tysdag 18. november
Frå kl 10.00 til 14.00 deltek statsråden i avslutninga av Ferskvatnets år.

Den første delen av arrangementet er på Gryta ved Maridalen kapell, der den offisielle opninga av det nye statsjonsnettet til Noregs vassdrags- og energidirektorat (NVE) finn stad. I denne delen av programmet ønskjer NVE å vise kor stor verdi datainnsamlinga har for vassforvaltninga og kvifor det er viktig at NVE nå har fått eit nytt stasjonsnett. I tillegg vil NVE demonstrere korleis dei arbeider for å samle inn data og ulike metodar for måling av vassføringa.

Kl 12.00 flyttar arrangementet seg til Sagløkka på Skullerud. Der vil NVE fokusere på barn og deira engasjement for Oslo sine elver. Mellom anna vil ein leggje vekt på forbruk av ferskvatn og naturopplevingar. I denne delen av byen bur det mange barn med ulik kulturell bakgrunn og arrangementet vil difor vere prega av kulturelt mangfald og glede over vassdragsnatur på tvers av kulturar.

NVE arrangerer avslutninga av Ferskvatnets år saman med Oslo Elveforum.

Onsdag 19. november
Kl 11.00 svarer olje- og energiministeren på to spørsmål i spørjetimen:

Frå representanten Steinar Bastesen:
"Man registrerer med undring at mange nettselskap, i en tid med sterkt økende kraftpriser, øker nettleien i både fastledd og energiledd. Det fremstår i dag som svært urimelig at nettselskapene utnytter sin monopolsituasjon til å hente ut en stor profitt. Hva akter statsråden å gjøre for å sikre forbrukerne mot den urimelige prissettingen på nettleie, og vil det bli tatt skritt for å sikre et offentlig eierskap over nettselskapene?"

Frå representanten Øyvind Vaksdal:
"Ifølge en NTB-melding etter Statnetts høstkonferanse skal olje- og energiministeren ha sagt at han "vil presse kraftleverandørene til å senke prisene kommende vinter". I året som gikk fikk vi derimot høre fra Regjeringen og regjeringspartiene at det frie kraftmarkedet, med en pris som reflekterer tilbud og etterspørsel, gav viktige incentiver til å redusere kraftforbruket og dermed forhindre rasjonering. Hvordan henger statsrådens anti-rasjoneringsstrategi for 2004 sammen med strategien for 2003?"