Utdrag frå olje- og energiminister Einar Steensnæs sin kalenderneste veke:
Statsministeren og statsrådane har normalt følgjande faste postar i sine vekeprogram: regjeringskonferanse på Statsministeren sitt kontor måndag og torsdag kl 12.15, og Statsrådets møte på Slottet fredag kl 11.00.

Måndag 24. mars
Kl 10.00 opnar statsråden det nye energigjenvinningsanlegget til Sarpsborg Energigjenvinning KS. Opningsseremonien finn stad inne på Borregård sitt industriområde. Kontaktperson for spørsmål om arrangementet er informasjonsdirektør Roger Prang i Østfold Energi på telefon 69 11 26 80. Pressekontakt for statsråden er Sissel Edvardsen: 901 97 382.

Tysdag 25. mars
Kl 15.30 held olje- og energiministeren eit innlegg i samanheng med markeringa av Verdas vassdag. Miljøvernminister Børge Brende og utviklingsminister Hilde Frafjord Johnson vil og helde innlegg under arrangementet, som byrjar kl 09.00 og held fram til kl 16.00. Markeringa finn stad i Gamle Logen på Grev Wedels plass 2 i Oslo.

Norsk hydrologiråd, Norsk vassforeining og Norske Sivilingeniørars Foreinings Bistandsforum står i samarbeid med Noregs Vassdrags- og energidirektorat bak arrangementet. Ta kontakt med Arne Haugum i Norsk hydrologiråd for meir informasjon om programmet for dagen: 22 95 92 92.

Frå kl 16.00 vil statsråden vere til stades på eit seminar om forbrukar- og miljøspørsmål i kraftmarknaden. Seminaret vil gi dei inviterte organisasjonane høve til å presentere sine meiningar om dei aktuelle utfordringane som husstandane står ovafor med tanke på dei høge straumprisane og den vanskelige kraftsituasjonen i vinter. Olje- og energidepartementet arrangerer seminaret.

Torsdag 27. mars
Statsråden vil vere til stades i Stortinget under behandlinga av stortingsmelding nr 9 om innanlands bruk av naturgass.

Fredag 28. og laurdag 29. mars
Statsråden er på Shetland for å møte den britiske energiministeren Brian Wilson. Samtalene med Wilson vil dreie seg om hovudpunkta i ein traktat om mellom anna gassrør frå Noreg til Storbritannia.