Utdrag frå olje- og energiministeren sin kalender
Statsministeren og statsrådane har normalt følgjande faste postar i sine vekeprogram: regjeringskonferanse på Statsministeren sitt kontor måndag og torsdag kl 12.15, og Statsrådets møte på Slottet fredag kl 11.00.

Tysdag 22. april
Kl 10.00 held statsråden eit foredrag over emnet "Regjeringa sine visjonar og planar for norsk sokkel" på eit seminar i regi av SINTEF Petroleumsforsking. Seminaret finn stad på SINTEF Petroleum i S. P. Andersens vei 15A i Trondheim.

Kl 13.15 opnar statsråden Gassteknisk Senter NTNU – SINTEF. Opninga finn stad i Kolbjørn Heies vei 1A, Gløshaugen. Kl 14.10 møter Steensnæs, rektor Hiis Hauge ved NTNU og administrerande direktør Morten Loktu ved SINTEF pressa på same stad.

Kontaktperson i Trondheim er Sissel Edvardsen på 90 19 73 82.

Onsdag 23. april
Kl 09.20 held statsråden eit innlegg på Gasskonferansen i Bergen, der han vil presentere regjeringa sitt syn på økt bruk av naturgass i Noreg. Konferansen ønskjer å løfte debatten om korleis ein kan bruke naturgass i Noreg som grunnlag for verdiskaping. Arrangementet finn stad i Grieghallen i Bergen.

Kontaktperson i Bergen er Lars Nermoen på 99 01 32 80.

Torsdag 24. april
Frå kl 13.00 til 16.00 deltek statsråden på konferansen "Ut av oljeskuggen" på Hamar, der han skal halde eit innlegg om perspektiv for petroleumsverksemda.

Steensnæs vil vere tilgjengeleg for energirelaterte spørsmål kl 12.30 – 13.00 i møterommet Furnes 2 på Rica Hotel Hamar på Olrud.

Konferansen har som mål å synleggjere at utfordringar innafor petroleumsverksemda vil ha stor oppmerksemd i Noreg i tida framover, og at desse utfordringane gjeld for heile landet, ikkje minst Hedmark og Oppland. Konferansen vil difor rette seg mot samspillet mellom petroleumsbransjen, politikare og næringslivet i denne regionen.

Konferansen finn stad på Rica Hotel Hamar, Oldrud. Kontaktperson på Hamar er Sissel Edvardsen, 90 19 73 82.

Frå kl 18.00 deltek statsråden i Forskingsrådet sin årlege middag på SAS Radisson Hotel på Holbergs plass i Oslo.