Utdrag frå olje- og energiminister Einar Steensnæs sin kalender for neste veke:
Statsministeren og statsrådane har normalt følgjande faste postar i sine vekeprogram: regjeringskonferanse på Statsministeren sitt kontor måndag og torsdag kl 12.15, og Statsrådets møte på Slottet fredag kl 11.00.

Tysdag 20. og onsdag 21. mai
Statsråden reiser i følgje med det norske kongeparet i samanheng med deira statsbesøk i Belgia.

Tysdag kl 20.00 er det gallamiddag på slottet i Laeken i Brüssel.

Onsdag kl 09.30 opnar den norske Kongen energiseminaret "Tomorrow's energy needs. Challenges and Opportunities" der Kronprins Phillip av Belgia òg vil vere til stades. Deretter held olje- og energiministeren innlegget "Energy, gas, security of supply and sustainable development".

På seminaret, som finn stad på Palace of the Academies i Brüssel, vil statsråden møte den nye belgiske energiministeren, Alain Zenner.

Frå kl 19.30 vil følgjet delta på ei mottaking i det Kongelege Kunstmuseum i Belgia, der det norske kongeparet er vertskap.

Kontaktperson i Brüssel er Lars Nermoen på telefonnummer 990 13 280.

Fredag 23. og laurdag 24. mai
Frå kl 16.30 på fredag deltek statsråden på sentralstyrekonferansen til Kristeleg Folkeparti. Konferansen finn stad på Quality Hotel Leangkollen i Asker.