Utdrag frå olje- og energiminister Einar Steensnæs sin kalender for neste veke:
Statsministeren og statsrådane har normalt følgjande faste postar i sine vekeprogram: regjeringskonferanse på Statsministeren sitt kontor måndag og torsdag kl 12.15, og Statsrådets møte på Slottet fredag kl 11.00.

Onsdag 27. august
Frå kl 11.00 til 15.30 deltek statsråden på opninga av ein fabrikk for produksjon av silisiumskiver for solceller. Opninga av fabrikken finn stad på Herøya i Porsgrunn.

Pressekontakt for statsråden på Herøya er Lars Nermoen, 990 13 280.

Torsdag 28. august
Kl 08.30 tek statsråden imot rapportane frå skatteprosjektet og aktivitetsprosjektet i regi av KonKraft. Konserndirektør i Norsk Hydro Tore Torvund har leda arbeidet med skatteprosjektet. Administrerande direktør i Norske Shell Johan Nic. Vold har leda arbeidet med aktivitetsprosjektet. KonKraft er ein prosess som blei satt i gang i 1999 for å styrke den norske olje- og gassnæringa si konkurransekraft.

Fredag 29. august
Kl 16.00 opnar statsråden eit folkemøte om ferskvatn og miljø. På folkemøtet, som finn stad på Folkets Hus i Sauda, vil olje- og energiministeren delta i ein paneldebatt saman med representantar for dei andre politiske partia.